Калитеа

Според тврдењата на туристите, Калитеа претставува најубавото монденско место на првиот крак „Касандра“ на полуостровот Халкидики. Овој модерен туристички центар се наоѓа на околу 90 километри од Солун и привлекува илјадници туристи кои доаѓаат да уживаат во беспрекорно чистото море, долгите песочни плажи, безбројните шопинг центри и спектакуларниот ноќен живот во многуте дискотеки и ноќни клубови кои ги собираат младите од целиот полуостров и од градот Солун. На само два километри пред Калитеа се наоѓа супер маркетот „LIDL“. Во местото има луксузно опремени продавници за кожа и крзно, за сувенири, како и многу маркети, слаткарници, пекари, таверни, ноќни локали и кафетерии. Во Калитеа има банки и банкомати, аптека, такси станица како и редовна автобуска линија која го поврзува местото со останатите туристички места на првиот крак, како и со Солун. Градот чие име во превод значи убав поглед е меѓу еден од најбараните и заради преубавите плажи со ситен бел песок и беспрекорно чистата вода во која го губите чувството за длабочина. Ова е идеално место за млади и за сите кои така се чувствуваат.