Паралија Неос Пантелеимонас припаѓа во јужниот дел на регионот Пиерија во подножјето на планината Олимп и е на 295 километри од Скопје, 36 километри од Катерини, а Платамонас е оддалечен само 5 километри. Ова место е најпознато по неодамнешните археолошки ископувања, при изградбата на железничкиот тунел под замокот, каде што се пронајдени делови од античкиот град Хераклија. Во текот на летната сезона, Паралија Пантелеимон станува многу популарна туристичка дестинација. Туристи од целата земја и странство ја избираат оваа дестинација за одмор. Главната причина е прекрасната песочна плажа со кристално чисто море долга преку 3 километри и која секоја година ја добива наградата сино знаме на ЕУ за чистотата и квалитетот на водата и капацитетите што ги нуди.
